ဝေး ... ပြီ

မိုးထဲလေထဲ၊ စိုကာရွှဲလို့
ငမွဲဒီကောင်၊ လွမ်းရိပ်မှောင်သည်
ဘယ်ဆီသောင်ကမ်း၊ မျှော်ရမှန်းမသိ
ချစ်သူလည်းမရှိ၊ ငုံးတိတိနှင့်
မုတ်သုံ အဆက်ဆက် တိုင်ခဲ့ပြီ။

အရိပ်ညိုညို၊ ရှိုက်သံပိုလို့
ကွန်းခိုရာမဲ့၊ လေပြေသွဲ့တည့်
ကျွမ်းခဲ့သစ်ပင်၊ ဆွေးစိတ်ဝင်လည်း
မကြင်သနား၊ ထွက်ခွာသွားသည်
ကြယ်တွေ ကြွေခဲ့ ညအလီလီ။

ဂစ်တာအိုလေး၊ ဆိုကာတေးသီ
နွမ်းအီလှိုက်မော၊ ရင်ခုန်ဇောဖြင့်
ပင့်သက်လှိုင်ဝေ၊ စိုးစိတ်ပွေတယ်
ကယ်သူလဲမဲ့၊ ကျိုးကြေပဲ့၍
ဝေးခဲ့ လေပြီ အို....နှင်းဆီ။

+မင်းယွန်းသစ်+

0 Comments:

Post a Comment