“ ဓာတ်ပုံလေး ထောင့်မှာ အမှောင်တွေ ငိုနေပြီ အမေ ”



နံရံထောင့်မှာ

လိုချင်တောင်းတမှုများစွာနဲ့ ကြည်နေ့တဲ့ မျက်လုံးတွေ

အမေ မကြောက်ပါနဲ့ လာပါ အမေ မကြောက်ပါနဲ့

အရှေ့ကို တိုးပါ

ဒီအထက် မှောင်စရာမရှိတော့ဘူး

ဒီထက် မှောင်ဖို့ဆိုတာ မရှိတော့ပါဘူး အမေ

သားအရှေ့ကိုတိုးပါ

အားမငယ်ပါနဲ့ ပြီးသွားခဲ့ပြီပဲ

အားလုံးကိုမေ့ပြစ်ထားလိုက်ပါ

ကိုယ့်မကောင်းမှုနဲ့ ကိုယ်မို့ သွားတာပါ

ကိုယ့်မကောင်းမှုနဲ့ ကိုယ်မို့ သွားတာပါ

ပြန်စရာလမ်းလဲ ထွေထွေထူးထူး မရှိတော့ပါဘူး

သွေးထွက်သံယို လမ်းတော့

သား လျှောက်မလာတော့ဘူး

အဝေးကြီးလဲ ထွက်မသွားပါနဲ့ဦး အမေ

နေနိုင်အောင် နေလိုက်ပါ

အမေ ဖယောင်းမီးလေးလဲ လာထွန်းပေးဦး

ချမ်းနေလား ဒါမှမဟုတ် ကြောက်နေလား

မကြောက်ပါနဲ့ အလင်းထဲမှာ နေပေးပါ အမေ

အမှောင်မကြောက်ပါနဲ့

သားလဲ မကြောက်ဘူး

အရှေ့ကိုတိုးပါ

အ ရှေ့ ကို တိုး လာ ပေး ပါ

မျက်စိလေး ခဏမှိတ်ထားလိုက် အမေ

ခဏဖြစ်ဖြစ် အရှေ့ကို တိုးလာပေးပါ အမေ

အေးချမ်းပါလေ့ အမေ

အေးချမ်းပါလေ့

“ အဲ့ဒီလို နှစ်သိမ့် ခွင့်ရချင်ပေမယ့် ငါ သာ ဓာတ်ပုံလေး တစ်ပုံ ဖြစ်မနေခဲ့ရင် ကောင်းမှာပဲကွယ် ”

0 Comments:

Post a Comment