တဘက်က လယ်တအုပ်...
တဘက်ကလဲ ကောက်ရိုးတဆုပ်
အိုးပုပ်ချိုးရုပ် လုကြတဲ့ပွဲ...
လဲသူကလဲ.... ကွဲသူကွဲ....
ကုလားမနိုင် ရခိုင်မဲလိုမဲ...
သွားကကျဲကျဲ... မျက်စိကမွဲ
အများကအော်လို့ဆဲ...
မလိမ်မိုး မလိမ်မာတွေ နှုတ်လန်ထိုးကြတဲ့ပွဲ....
မမှန်မဟုတ် လန်ကြုတ် ကြတဲ့ ပွဲ
မြေဇာပင်တွေ အနင်းခံရတဲ့....ပွဲ
ပဋာစာရီတွေ ပလူးမြေခကြရတဲ့ပွဲ....
အရူး ဘုံမြောက်တဲ့သူတွေနဲ့
မထူးပုံပေါက်တဲ့လူတွေရဲ့လုပွဲယက်ပွဲ..
အပြုစကားတွေနဲ့ မုသားတွေ လှလှကြီး သုံးတတ်ကြတဲ့
အတ္တပေါတွေရဲ့ ကျပန်းစကားပြောပြိုင်ပွဲ...
နားကလောစရာ အများပြောလာတဲ့
စည်းရိုးအပြင်က ဖက်ရှင်သမားတွေရဲ့
ခပ်ကဲကဲ ဂရုဏာတော်တွေ အထွေးလိုက် သွန်မှောက်ချပြတဲ့ပွဲ...
အိမ်ကြက်တွေရဲ့ မြိန်ရည်ယှက်ရည် အိုးမဲသုတ်ကြတဲ့ပွဲ...
ရီစရာ၊ ပလီပလာ၊ မျက်ရည်လည်ရွှဲ၊
တခါတလေ နက်နက်နဲနဲ..၊ တခါတလေနင့်ခနဲ၊ တခါတလေ မချင့်မရဲ..
ရသပေါင်းစုံနေပြီး ကိုယ့်အရပ် ကိုယ့်ဇာတ်နဲ့
ကိုယ့် မင်းသား၊ မင်းသမီးကြီးတွေ မနားတမ်း ကပြနေကြတဲ့
အော်...ကျုပ်တို့ မြို့ရဲ့... ပဒေသာပြဇာတ်သဘင်ပွဲ...။

ကျွန်တော်တို့ ညနေဟာ
ဗော့ဒ်ကာ တခွက်နဲ့ ပြည့်လျှမ်းလို့...
ဆာလောင် မွတ်သိပ်မှုကို မဖြည့်ဆည်းနိုင်ပေမယ့်
ကျွန်တော်တို့ဟာ အသိဉာဏ် မဲ့တုံးနေတဲ့ ကောင်တွေ မဟုတ်ဘူး
အိုင်ဒီယိုလိုဂျီတွေ မြင်မကောင်းအောင်
ရွတ်နေကြတဲ့ သေချင်းဆိုး ဖက်ရှင်သမားတွေထက်စာရင်
ကျွန်တော်တို့က သာတယ်...
မမှန်ဘူး ဒါပေမယ့် မှားတယ်
မမှားဘူး ဒါပေမယ့် မှန်တယ်
ကျွန်တော်တို့ဟာ ကိုယ့်သေတွင်း ကိုယ်တူးမယ့်
လူမိုက်စစ်စစ်တွေ ဖြစ်တယ်...
ခပ်ရိုင်းရိုင်း သမိုင်းတွေနဲ့
ကျွန်တော်တို့ ချစ်တဲ့မြေ
တနေကုန် တနေခန်း ခါးနေရင်တောင်
ကျွန်တော်တို့ဟာ မိုက်တွင်းနက်စွာ
ယုံကြည်ချက်ကို စွဲကိုင်တယ်....
ခင်ဗျား...
ကျုပ်တို့လောက် မမှောင်ရဲရင်
မရဲတရဲ အလင်းတွေနဲ့ လာမလင်းနဲ့
အိမ်ပြန်ချိန် ပျောက်တဲ့ လမ်းတစ်ခုကို
ကျွန်တော်တို့ လျှောက်တယ်
ကျရှုံးခန်းတွေ အထပ်ထပ် လွတ်ကျခဲ့ရင်တောင်
သဲတရှပ်ရှပ်.... ရာဇ၀င်တွေကို
ကောက်ယူရဲတယ်
ဂျီးအလိမ်းလိမ်း ထနေတဲ့ နံရံတွေ ပြိုကျ
တံခါးပေါက် မရှိတဲ့ ဟင်းလင်းပြင်ကို ငါတို့မက်တယ်...
ဟောဒီမှာ...
သေချင်းဆိုးတွေရေ...
ကျုပ်တို့ဟာ ခပ်ရဲရဲ ရှေ့ထွက် အော်ဆဲရဲတဲ့ ကောင်တွေ ဖြစ်တယ်...
ကဲ.... ခင်ဗျားနဲ့ ကျွန်တော် စီးချင်းထိုးမယ်....။

(မနေ့က ညနေက ကိုမြေမှုန်လွင်ကိုသိုးထိန်းကိုမိုးလှိုင်ည အပါအ၀င် အခြားသော ကျွန်တော့် သူငယ်ချင်း ကဗျာဆရာများ နှင့် စကားစမြည်ပြောရင်း တထိုင်တည်း ရေးဖြစ်ခဲ့တဲ့ ကဗျာလေး ဖြစ်ပါတယ်။)

မင်းယွန်းသစ်

နှုတ်ဆက်လိုက်ကြစို့ဧပရာယ်
တစ်ယောက်တစ်ရစ်
ခြစ်ခဲ့မိတဲ့ ကြက်ခြေခတ်တွေပဲ
ဘယ်သူမှထူးပြီး မှန်မလာတော့ဘူး ။

သွေးပွင့်တွေပါဧပရာယ်
တစ်ယောက်တစ်ခြမ်းကွဲခဲ့ကြတာပဲ
ဘယ်ရင်ဘတ်မှ ပိုမနာခဲ့ပါဘူး ။

ဒီလိုပဲပေါ့ဧပရာယ်
နင်လည်းငါ့လို ၊ ငါလည်းနင့်လို
တစ်ယောက်ကိုတစ်ယောက်
မာနနဲ့ပေါက်တမ်း ကစားမိခဲ့တာကိုး ။

ဒီခြုံလွှာကို လွှမ်းပါဧပရာယ်
နှင်းဆီတို့ရဲ့ကျမ်းစာမှာ
နင် ဘိသိတ်ခံယူလိုက်ပါ
ငါ. . . ကဗျာတစ်ပုဒ်ရွတ်နေတယ် ။

နင်မသိလိုက်တဲ့ မိုးရာသီလေ
မခို့တရို့လေးရွာနေတယ်
နင်ကြည့်ပါ ၊ သိပါ ဧပရာယ်
အဲဒီ ပြည်လမ်းမက
လွမ်းနေရတဲ့ ကားဂိတ်လေးကိုပေါ့

ဒါပါပဲ ဧပရာယ်
တို့နှစ်ယောက်ကိုက
တစ်ယောက်တစ်ရစ်
ကြက်ခြေခတ်တွေ ခြစ်ခဲ့မိကြတယ်. . . ။ ။

အဲဒီနေ့တွေကို

မြေပုံပေါ်မှာလိုက်ရှာ

ရထားဟာ ကမ်းကိုကပ်ခဲ့ပြီ ။

ပန်းပွင့်တစ်ခြမ်းဆူးတစ်ခြမ်းနဲ့

မတော်တရော်ဖိနပ်ကြီးကို

ပရမ်းပတာစီး

မြို့ကြီးရယ် . . .

ရနံ့တွေက လှောင်တယ် ။

မနေ့ညက

စံပယ်တွေ တအိအိကြွေကျလာသလိုပဲ

ဝတ်မှုန်ရေ. . .

ငါ့ကို ရင်ဘတ်တစ်နေရာစာလောက်

ခင်းကျင်းခွင့်ပေးပါ ။

နှင်းဆီတွေကျောက်ချ

ဘူတာရှာမတွေ့တဲ့ရထား

တနင်္ဂနွေမှာပဲ `နားမယ်´ ။ ။

ခေါင်းစဉ် - ဇာတိ


တနင်္ဂနွေမှာ
ဝတ်မှုန်လေးတွေ အချင်းချင်း စကားများကြရင်း
နှင်းဆီတွေပွင့်ဖို့ ရပ်ဆိုင်းလိုက်ကြတယ် ၊၊ ၊၊

တနင်္ဂနွေမှာ
လေပြေတွေဟာ ဘာအရည်အချင်းမှမရှိကြဘူး
ချက်ချင်းကြီး
ဥယ်ဥ္အျဖစ္ကေန
လျှောကျပေးလိုက်ရတယ် ၊၊

တနင်္ဂနွေမှာ
တစ်ယောက်က တစ်ယောက်ရဲ့
တစ်ယောက်ဖြစ်ကြပါလျက်
တနင်္ဂနွေမှာပါပဲ
တစ်ယောက်က တစ်ယောက်ရဲ့
တစ်ခြားတစ်ယောက်ဖြစ်ခဲ့ကြရ …. ၊၊

တနင်္ဂနွေ နဲ့ ငါဟာ
နင်နဲ့ငါ ဝေးသလိုမျိုး ဝေးသွားတယ်
ပြက္ခဒိန်တစ်ခြမ်းစာ ဒဏ်ရာလေး
ငါ့ တစ်ဝိဥာဉ်စာ လက်ခံထားရဆဲ. . . . ၊၊

တစ်ကယ်တော့…..
သတိရခြင်းဆိုတာ
အတိတ်ကနေ လက်ရှိကမ္ဘာဖြစ် ဖြစ် သွား တာ
“မီး” မရှိတော့တာကလွဲလို့
ငါ
ဟာ
ဒုက္ခမီးအိမ် တစ်လုံးပါ ၊၊ ၊၊

                                                ဇာတိ

ကြယ်တွေ ကလည်း အုံ့မှိုင်းလိုက်၊ ကြွေလိုက် . . .။
မြေခတာ ဓမ္မတာဖြစ်နေတဲ့ လောကအထာကိုလည်း၊
ငါ နပ်လိုက်၊ မနပ်လိုက်။ ။

ချစ်သူ . . . . .
ကိုယ်ဟာ
ခြောက်သွေ့ အေးခဲနေတဲ့
ညတွေထဲမှာအိမ်မက်တွေကတုန်ကယင်နဲ့
ဖြူဝင်းသေးသွယ်တဲ့ စကားလုံးအဟောင်းတွေ ဟောင်းလောင်းပွင့်လို့၊
တကယ်တော့ကိုယ်ဟာလည်းကံကြမ္မာမြစ်ရိုးမှာ
ရေကွက်နောက်ခဲ့ရတဲ့လူတစ်ယောက် . . . ၊
သိရဲ့လား။

ဂစ်တာတစ်လက်ကတော့၊
သူ့ကြိုးတွေအပေါ်တစ်ပေါက်ပေါက်ကျနေတဲ့
မျက်ရည်တွေကြောင့် သံစဉ်တစ်ခုကို ပျံ့လွင့်နေစေတယ်။

ကျောက်စိုင်ကျောက်ခဲ ဖြစ်နေတဲ့ ခပ်ရှရှ ခါးသီးသီး ဒိုင်ယာရီတစ်အုပ် ထဲမှာ
ဟိုးအဝေးက ဆီနှင်းတွေ တဖွဲဖွဲနဲ့ ကွေးညွတ်ဖြာကျ။
အမှောင်ကွယ်ပြီး သိမ်းထားတဲ့ အသက်ရှုသံတိုးတိုးလေးတွေ
. . . .

ပြုစားဝိညာဉ်၊ အက်စစ်ရမ်တစ်ခွက်၊
အတေအပေမှတ်စု၊
ငါဟာညစ်နွမ်းနေတဲ့ နံရံတစ်ခုကိုမှီလို့။
မြူခိုးတွေဝေလို့။
အလင်းရောင်တွေ၊ ထွေပြားလို့။
မျက်ရည်မဲ့ငိုလို့ ။
. . . .
နှလုံးသွေးတွေ၊ ခေတ်တွေ၊ ဘယ်နှစ်ကြိမ်တိုင်ခဲ့ပြီလဲ။

အဲဒီနေ့က၊
နှင်းဆီနံ့တွေထောင်းထောင်းထ၊
မပြင်ပဲလှနေတဲ့ ညနေတစ်ထည်နဲ့၊
မပွင့်ခင်ကြွေခဲ့ရတဲ့ နှင်းဆီလွမ်းခန်း ။ ။ ။

                                                                        လင်းနီညို

သူများကို ကျွေးရင်း ကိုယ်ပါစားမိတယ်....။

ဘယ်သူပြောလဲ.... မာယာတွေခါးတယ်လို့...။

လိမ်နေတဲ့လူကို အပြစ်ပေးတာမှ မဟုတ်တာ

လိမ်တာမိတဲ့လူကို အပြစ်ပေးတာ.......။ 

လောကကြီးရဲ့ ဥပဒေသ...

လေးစားပြနေစရာ သိပ်မကောင်းဘူး.......။

 

ရယ်ရင်းနဲ့ ငိုခဲ့တယ်....ပြုံးရင်းနဲ့ မဲ့ခဲ့တယ်.....။

ချစ်ရင်းနဲ့မုန်းခဲ့တယ်..... လွမ်းရင်းနဲ့ မေ့ခဲ့တယ်....။

တစ်ခါတစ်ရံတော့ အဖြူရောင်လေးကို 

ပြန်လွမ်းမိပါတယ်.....။

 

ငါဟာပြုံးနေတဲ့ ပင်လယ်တစ်စင်း.....

ငါ့ကိုဖမ်းမိသူတော့ နည်းနည်း ငန်ကျိကျိဖြစ်မယ်.....။

သူများကိုပစ်ဖို့ ကိုယ့်ကိုကိုယ် 

မြနေအောင်သွေးထားတာ......။

တမင်တော့ မရည်ရွယ်ပါဘူး.....

 

ကဲ.....ကြိုးတစ်ချောင်းလောက် ကမ်းစမ်းပါ......။

ကိုယ်မာယာကို ကြိုးချည်ပြီး သိမ်းထားချင်လို့...

ရိုးသားချင်ပါတယ်ဆိုမှ အရောင်တွေများမိတယ်...။

 

မယုံကြည်တော့ဘူးတဲ့...ရပါတယ်.....

ငါကလည်း... ယုံကြည်မှုက်ို 

ယုံကြည်တတ်ရင် အကောင်းသား......။

 

သူများကိုကျွေးရင်း ကိုယ်ပါစားမိခဲ့တာ

ဘယ်သူပြောလဲ..................

မာ....ယာ.....တွေ....ခါး.......တယ်........လို့   ၊၊       ၊၊

                                                                        ပိုးဥ

သိပ်ဖော်ဖော်ရွေရွေတော့မဟုတ်ဘူး
အသက်ရှုကြပ်နေသူချင်း ...
အတူတူ ...
ဖိတ်တစ်ဝက် စင်တစ်ဝက်ချင်း ...
အတူတူ ...
ပွင့်ပွင့်လင်းလင်းပြုံးမပြနိုင်ကြဘူး

"လိုတာကိုပဲပြောပါ ...
လိုတာကိုပဲပြောပါမည် "
အဲဒီစာတန်းခင်ဗျားတို့မြို့အ၀င်မှာချိတ်ထားသလား
"သြော် ... ဟုတ်လား
အချိန်မရဘူးလား"

အိုကေ ... အိုကေ
ရောင်စုံပလပ်စတစ်နဲ့ ထုပ်ပိုးထားတာကလွဲရင်
ဆိုးဆေးတော့ပါလို့မရဘူးနော်
အပူချိန်က မနှစ်ကထက်ပိုလာတာတော့သေချာတယ်

နေဦး ... နေဦး
မေးစရာကကျန်သေးတယ်
ညအိပ်ညဉ့်နေလာရင်
ဧည့်စာရင်းတိုင်ဖို့လိုသလား ...

ဟုတ်တယ်ဗျာ
ဒီမှာလိုပဲ ... ခင်ဗျားတို့မြို့မှာလည်း ...
လေကောင်းလေသန့်
ရေကောင်းရေသန့်တွေ လိုအပ်နေတုန်းပဲမဟုတ်လား ... ။ ။

                                                                                    ကြက်သွန်

ဟာသကားတွေထဲမှာတော့ အခုလိုဖြစ်သွားရင်ရယ်ကြပါတယ်

အရုပ်ကြိုးပြတ် …. ကြိုးတွေပြတ်လို့ …. ကျိုး … ပျက်လို့

မသိတော့ပါဘူးကွယ်

ပြဿဒါးဆိုတာ ငါ့အဆင်မပြေခြင်းတွေကိုဟားတိုက်ဖို့ ပြက္ခဒိန်ရဲ့အလိုအတိုင်းရောက်လာ ….

မှတ်မိသလောက် ဒါဟာ `ဗုဒ္ဓဟူး´ရာသီဖြစ်မယ်ထင်တယ်

တနင်္ဂနွေဟာ အလာ့ဂျစ်ထနေ

ကောင်းကင်ကိုနင်းချင်လို့ ဖိနပ်ဆောင်းထားတာ

မင်း …. သွားမယ်ဆိုလည်း စကားတစ်ခွန်းတော့ နှုတ်ဆက်ခဲ့ဖို့ကောင်းတယ် …. နွေရာသီရောက်လာတာကိုက စောလွန်း….

မြစ်ကျိုးအင်းများ၊ မီးစားအိပ်မက်များ၊ မှောင်မိုက်နာကျင်ခဲ့သောလမ်းများ

ဝေး ……….. စကားတစ်လုံးတည်းနဲ့တောင် ဆွေးလိုက်ရတာကွယ်

အထီးကျန်ဝေးကွာမှုသီချင်း၊ လေနဲ့အတူလေနေတဲ့စိတ်၊ ရင်ထဲဟာသွားတဲ့နေရာမှာ ဘာမှအစားထိုး၍မရ၊

ရွေ့လို့လည်းမရပါ …. အခုထိ ဗုဒ္ဓဟူးည ဆယ့်တစ်နာရီ ……

ပန်းနီလေးပွင့်တာကအစ ငေး … ကြည့်၊ ငိုချင်တယ် ……. အ ထီး ကျန်

မျှော်လင့်ချက်ဟာ အရက်စက်ဆုံး လူသတ်လက်နက်ပဲ

မျှော်ရင်း ….. မျှော်ရင်း …. လင့်သွားတာ … လွင့်သွားတာ ….

ငါ့အတွက်တော့ နေသံလသံရောနေခဲ့တာလည်းကြာပြီ

ငါကလည်း နင့်ကိုမှ ………….

ကွယ် …….. (၂) နှစ်စာ နောက်ပြန်လှည့်မှ ပြယ်မယ့်ကျိန်စာတွေ

အဲဒီလိုပါပဲ

မသိသူအယူခက်တော့ အိပ်မက်ကိုကျောင်းမှာဝယ်မိတယ်

ငါ မရှက်မပါဘူးကွယ် ……

`စောင့်ရမှာချင်းအတူတူတော့ ငါအခုကတည်းကစောင့်မယ်၊ နင်သာ မြန်မြန်ပြန်လာခဲ့ ….´

တကယ်ပဲ …. ပြန်လာခဲ့ပါတယ် … လှောင်ရယ်သံတွေ ပွေ့ပိုက်ပန်ဆင်ပြီး …..

နင်က ငါ့အတွက် ဒုက္ခဆုပန်သူ … မီးကျိုးမောင်းပျက် စကားထာတွေဝှက်သူ …. အရောင်မပါတဲ့ သက်တန့်တွေပဲ ပစ်ပေါက်ကျဲချသူ ….

ငါရပ်တန့်နေ … ငါ ကန္တာရကိုဖြတ်နေ

ခရီးပြင်းနှင်ခဲ့တာပဲ၊ မြို့ရိုးတံခါးကိုက မှုန်ပျပျသာမြင်နေရ …..

`ကိုယ်ဆောင်းတဲ့ထီး အစိမ်းလား၊ အပြာလား မသိပါဘူး …´

မိုးကိုမော့ကြည့်နေလား၊ ငါ့ကို ငုံ့ကြည့်နေလားမသိပါဘူး

နတ်ဖွက်တတ်တဲ့ည၊ ဗုဒ္ဓဟူးတပိုင်း တနင်္ဂနွေတပိုင်းည၊ မီးအိမ်တံခါးဖွင့်ထားတဲ့ည၊ သုည …..

လူငယ်တစ်ယောက်ရဲ့စွန့်စားခြင်းကို ဘယ်လိုဇာတာအမှားတွေများ လာတပ်ဆင်ကြပါလိမ့်

ငါ့ကိုယ်ငါတောင် မရှာဖွေတော့တာ … နင်လည်းမကြိုးစားပါနဲ့တော့ကွယ်

ငါ့မှာ သက်တန့်တွေပွင့်တဲ့မိုးရာသီတစ်ခုတော့ ရှိခဲ့ဖူးပါတယ်

ပြောခဲ့သလို …. အရောင်မပါတဲ့သက်တန့်တွေ …. နာမ်စိတ်မရှိသောသက်တန့်တွေ …

… အရုပ်ကြိုးပြတ် …

မင်းစိုမှာစိုးလို့ မိုးပေးချင်တာတောင် ကိုယ့်မှာထီးတစ်လက်မရှိပါကွယ်

ဒါဟာလည်း အမှတ်တရတစ်ခုတော့ ဖြစ်လာပါလိမ့်မယ်

နင်က ငါ့ကိုချည်နှောင်တာမဟုတ်ဘူး ….. ငါ့ကိုယ်ငါ ချည်နှောင်ပစ်ခဲ့တာ …..

အိမ်မပြန်ချင်သေးပါဘူး …. ၁၃ ရက်နေ့မှ မရောက်သေးတာ …… အိမ်မပြန်ချင်သေးပါဘူး …. ၁၃ ရက်နေ့မှ မရောက်သေးတာ ….. ၁၃ ရက်နေ့မှ …. ပြေရင်းဆိုရင်းကပဲ ၁၃ ရက်နေ့ရောက်လာပါတော့တယ်

အိုး …. တိုက်ဆိုင်လိုက်ပုံ ……

၁၃ ရက်နေ့ဟာ ဗုဒ္ဓဟူးနေ့နဲ့ တစ်ထပ်တည်းကျသွား ……. ငါ.. ထွက်ခွာလို့ရပါ့မလား …..

ငါနဲ့ ငါ့နာရီလေးကတော့ တစ်နေရာတည်းမှာ အကြာကြီးရပ်နေ …..

သမိုင်းတစ်ခုဖြစ်ချင်မှဖြစ်လိမ့်မယ် … ဒါပေမယ့် သည်းထိတ်ရင်ဖို ဇာတ်ဝင်ခန်းတစ်ခုတော့ ဖြစ်နိုင်

ဒီမှာ ….. အရုပ်ကြိုးပြတ် မျက် ၀န်း တွေ . . . .

အခုတော့ ဆန့်ကျင်ဘက်တွေချည်း …. အာရုံခံစားမှုအလွဲတွေချည်း …….

ပထမ ….. တစ်ယောက်တည်း သင်းကွဲသောညနေ …… နောက် … သူ့ကိုယ်သူချော့သိပ်နေသော ပြောမပြဖြစ်ခဲ့တဲ့ပုံပြင်လေး …. နောက် … သစ်ဂျပိုးခေါက်ကိုမုန်းတဲ့ကော်ဖီ … မှတ်တိုင်လေးဟာ လူတွေကြားမှာ သောင်တင်နေ …… အိမ်ပြန်လို့မရဘူး

ခြောက်ခြောက်အက်အက် ငါရယ်တယ်… ငါပဲမှားသွားပြန်ပါတယ်

တကယ်တော့ငါက အန္ဓပါ … တေလေပါကွယ် ….

အသူတရာကမ္ဘား၊ ကုမ္ဘာဏ်တစ်ထောင်တံခါး၊ ခြောက်ခြားပူခြစ်မီးလျှံများ …. အဲဒီကြားကနေ နင်လက်ကလေးကို ငါ့ဆီဆွဲမယူရက်ခဲ့ဘူး

အဲဒီလိုနဲ့ ဆန့်ကျင်ဘက်တွေဆီ ……. တစ်ယောက်တည်းသင်းကွဲနေသော …….. ဆန့် ကျင် ဘက် တွေ ……

မျက်လုံးတွေဖွင့်လိုက်တော့ ငါမှောင်သွားပါတယ်

..... ..... ..... ..... ..... ..... ..... .....
..... ..... ..... ..... ..... ..... ..... .....
..... ..... ..... ..... ..... ..... ..... .....
..... ..... ..... ..... ..... ..... ..... .....
..... ..... ..... ..... ..... ..... ..... .....
ငါ့..... ..... ..... ..... ..... ..... ..... ..
.. ကိုယ်..... ..... ..... ..... ..... ..... .....
..... ငါ..... ..... ..... ..... ..... ..... .....

..... ..... ..... ..... ..... ..... ..... .....
... ..... ..... ..... ..... ..... ..... ..... .....
... ..... ... ..... ..... ..... ..............

. ..... ..... ... .......... ..... ..... .....
... .....ဖြုတ်..... ..... ..... ..... ..... ..... .

..... ..... ..... ..... ..... ..... ..... .....

...... .....ပျောက်..... ..... ..... ..... .....
....... ..... ..... ..... ..... ..... ဆုံး..... ....
... ... ..... .....သွား..... ..... ..... ..
... ........ ..... .......... .....တယ် ..
..... ..... ..... ..... ..... ..... ..... .....

ဘ၀က ဖိနပ်ကို ကြိုးငုံ့ ချည်နေတုန်း ........ မစံပယ်ဖြူက ကျွန်တော့်ကို မုန်းသွားသည်....

ငါ့မှာတော့ ဖိနပ်လိုက်ရှာနေတုန်းမှာတင် အမုန်းခံလိုက်ရတာပါကွယ်။ ကဗျာဆိုတာ အချစ်ဦးမသိ အောင်ရေးရတဲ့အရာ ……..

ငါက နင့်အငွေ့အသက်လေး .. နင့်အရိပ်လေးကတောင် အသိအမှတ်ပြုတာ မခံခဲ့ရတဲ့ကောင်

သီချင်းတွေ ဆိုပြချင်ပါသေးတယ် … စစ်တုရင်ထိုးနည်းသင်ပေးချင်ပါသေးတယ် ….

နယ်ရုပ်တွေဟာ နယ်နယ်ရရ အရုပ်တွေမဟုတ်ကြောင်း သိစေချင်သေးတယ်

ဒါပေမယ့် … အခုထိ ဗုဒ္ဓဟူးပဲဖြစ်နေ …. ညဆယ့်တစ်နာရီဖြစ်နေ …

တချို့က ဘ၀မှာ ကြယ်တွေလတွေတောင် ကြွေခဲ့ဖူးပါသတဲ့

ငါကတော့ ဘာမှမဟုတ် …. ငါ့ဆေးလိပ်ပြာက ငါ့ကို တဖြုတ်ဖြုတ်ခြွေချနေ …. ငါ့သက်ပြင်းက ငါ့ကို ခြွေချနေ … အခုထိ အရုပ်ကြိုးပြတ် လရောင်တွေ ……

ရေရွတ်ကြည့်တော့ လေထုထဲ တိုး--အက်---မော--လျ ….

ငါ့ အသံတွေ….. ငါ့ အက်သံတွေ……

ပြဿဒါး ဟာ ဓားတစ်ချောင်းလို “ထက်” လို့ ………. ပြဿဒါး ဟာ ငါ့ပြက္ခဒိန်တွေထဲ “ထပ်” လို့…….

ခေါ်သံတွေ မရှိတော့ပေမယ့် ထူးနေခဲ့ပါတယ်ကွယ်…

ချစ်လှစွာသော... ငါ့ရဲ့ညီမသေးသေးလေးရေ...လွမ်းတယ်၊ ... ဒါပဲ တတ်နိုင်တာမို့ လွမ်းပါရစေ

ကမ္ဘာမြေကြီးကတော့ ကျဉ်းပါရဲ့၊ မိုင်တွေကသာ ကျယ်နေတာ…

ခေါ်သံတွေ မရှိတော့ပေမယ့် ထူးနေ…

ငါ့နာမည်ခေါ်တဲ့ဓားတစ်ချောင်း ရင်ဘတ်ထဲထိုးထည့်ပစ်တာကြာနေပြီ

ဘယ်ကို လွင့်စင်ရမယ်မှန်း မသိဘူး … မသိဘူး … မ သိ ခဲ့ ဘူး ..

ကောင်မလေးရေ....တို့တွေ နားလည်လိုက်ရအောင် မင်းနဲ့ငါ တကယ်နားလည်သွားသလိုပုံမျိုးနဲ့ နားလည် ပစ်လိုက်ကြရအောင်လေ....................

အရာရာဟာ အရာရာ ထဲ နစ်မြုပ်လို့…၊၊ သစ္စာတရားကို ဖက်တွယ် လိုတဲ့ ငနဲတစ်ယောက်ရဲ့ ကျဆုံးခန်းပေါ့ ….

ခြေထောက်တွေကလှေကားထစ်အတိုင်းတက်သွားပြီး လူက... လှေကား ခြေရင်းမှာ ကျန်ခဲ့ရတယ်

ဗျပ်စောင်းသံရဲ့ တိတ်ဆိတ်မှု့က ငါ့ကို ခေတ်အဆက်ဆက် ခြောက်လှန့် ... ငါတို့တွေ ကြိုးပြတ်နေကြပြီ ၊၊ ငါတို့တွေ ကျိုး ပျက် နေ ကြ ပါ ပြီ

ငါဆိုတာ နင်လှောင်ရယ်ပစ်ခဲ့တဲ့ ခြေသလုံးအိမ်တိုင်တစ်ယောက်လား …. ငါဆိုတာ နင်လုံးဝမကြိုက်တဲ့ အက်စ်ပရက်စ်စို ကော်ဖီတစ်ခွက်လား …. ငါဆိုတာ နင်လွှင့်ပစ်လိုက်တာခံရတဲ့ လက်ဆောင်ပန်းစည်းလေးလား ….. ငါဆိုတာ … ငါဆိုတာ… ငါဆိုတာ ဘာလဲကွယ်…

ပြောပါ ... ငါ ရပ်နေရမှာလား ၊ ဆက်လျှောက်ရမှာလား ဆိုတာကို..

ဒီည ....

ငါ့ကိုဖျောက်ထားတဲ့ နှင်း ...

မိုင်တိုင်တွေ လဲကျတုန်း ငါ့ကိုကယ်ပါ ...

ညတွေပျင်းရိတုန်း ငါ့ကိုကယ်ပါ ...

အလွမ်းတစ်ဆူလင်းသစ်ဖို့ နင်ရဲရဲသာ ဖြန့်ကျက်ထားစမ်းပါ..

ပြီးရင်... ငါ့ကို ကယ်ပါ .... ပြီးရင် ....

ပြီးသွားပါပြီ

ဟာသကားတွေထဲမှာတော့ အခုလိုဖြစ်သွားရင် ရယ်ကြပါတယ်

`ဗုဒ္ဓဟူး´ရာသီမှာ တနင်္ဂနွေဟာ အလာ့ဂျစ်ထနေ ………..

ဇာတိ

သူရဿဝါ

ဝန်ခံချက် - ယခုကဗျာတွင် တာရာမင်းဝေ ၊ မင်းခိုက်စိုးစန် ၊ တိုးနှောင်မိုး ၊ ဇာတိ ၊ သိုးမဲ၊ သူရဿဝါ၊ ၊ ၀ိုင်ချို ၊ သောတ ၊ ပိုင်စိုးဝေ ၊ ရွှေယုန် ၊ ရုပ်သေး တို့၏ ကဗျာစာပိုဒ်အချို့ကို ထည့်သွင်းအသုံးပြုပါသည်။

 

မိုးထဲလေထဲ၊ စိုကာရွှဲလို့
ငမွဲဒီကောင်၊ လွမ်းရိပ်မှောင်သည်
ဘယ်ဆီသောင်ကမ်း၊ မျှော်ရမှန်းမသိ
ချစ်သူလည်းမရှိ၊ ငုံးတိတိနှင့်
မုတ်သုံ အဆက်ဆက် တိုင်ခဲ့ပြီ။

အရိပ်ညိုညို၊ ရှိုက်သံပိုလို့
ကွန်းခိုရာမဲ့၊ လေပြေသွဲ့တည့်
ကျွမ်းခဲ့သစ်ပင်၊ ဆွေးစိတ်ဝင်လည်း
မကြင်သနား၊ ထွက်ခွာသွားသည်
ကြယ်တွေ ကြွေခဲ့ ညအလီလီ။

ဂစ်တာအိုလေး၊ ဆိုကာတေးသီ
နွမ်းအီလှိုက်မော၊ ရင်ခုန်ဇောဖြင့်
ပင့်သက်လှိုင်ဝေ၊ စိုးစိတ်ပွေတယ်
ကယ်သူလဲမဲ့၊ ကျိုးကြေပဲ့၍
ဝေးခဲ့ လေပြီ အို....နှင်းဆီ။

+မင်းယွန်းသစ်+

တစ်ကမ္ဘာလုံး လုံခြုံရေးတွေ
အုံးအုံးကျွတ်ကျွတ်နဲ့
အကြမ်းဖက်သမားကိုလိုက်ရှာနေကြတယ်
ငါလည်းအပြေးအလွှားစဉ်းစားတာပေါ့
အကြမ်းဖက်သမားဆိုတာ … ဘယ်သူလဲ

 

 

အဲဒီအချိန်မှာပဲ
ငါ့အိတ်ကပ်ထဲက ငွေကြေးက
ငါ့ကိုပြန်ပေးဆွဲတယ်…
ငါပတ်ထားတဲ့နာရီက ငါ့ကို
အကျဉ်းချတယ်….
ငါလွယ်ထားတဲ့အိတ်က ငါ့ကို
ပြန်ထည့်သယ်သွားတယ်…
ငါစီးထားတဲ့ဖိနပ်က
ငါ့ခရီးတွေကိုသတ်ပစ်တယ်…
အဲဒီလိုနဲ့
ငါသေသွားပြီဆိုပါစို့
ငါ့နာမည်တစ်လုံးနဲ့ အုတ်ဂူဟာ
သုဘရာဇာတွေအရက်သောက်ဖို့
အကြမ်းဖက်ခံရတုန်းပဲ…
ငါယုံလို့ ရေးခဲ့တာကော
ငါကြုံလို့ရေးခဲ့တာကော
ဟောဒီ ကလောင်တစ်ချောင်း
ငါ့စာတွေဖတ်မိတဲ့ လူတွေကို
ချောင်းမြောင်းလုပ်ကြံဖို့ကြိုစားဦးမှာ
ငါ့ မှငါတွေထပ်ပြီး…
ငါကိုယ်ငါကော အခြားအရာတွေကို
အကြမ်းဖက်ခဲ့တယ်
ငါ…ဆိုတာ အကြမ်းဖက်သမားပဲ….။

 

 

မိုးလှိုင်ည

 

 

ဒီလို  မိယုရ . . .
ဘယ်ဘက် ဘောင်းဘီအိတ်ကပ်ထဲမှာ
ဘေးကြပ်နံကြပ်ဖြစ်နေတဲ့
ဗမာငွေ နှစ်ရာကျပ်က
ကဗျာတစ်ပုဒ်
အိမ်သာလေးခါတက်
မြို့ ထဲအသွားအပြန်
ပြီးတော့ . . .
နင့်ခေါင်းပေါ် ရောက်လာမယ့် ` ကလစ် ´
မဟုတ်ဘူး မေမေ
ဒါ ဆယ့်နှစ်နာရီထိုးမှ ကြားနေကျ အသံပါ
ဘယ်သူတွေလဲ
ဘယ်သူတွေလဲ
တိမ်တွေနောက် လိုက်နေတာ ဘယ်သူတွေလဲ
ဒီလောက်လဲ မချိုပါဘူး မိယုရယ် . . .
ငါကိုက ရှိုက်သံပေါက်နေတာ
လက်ဖက်ရည်ကြမ်းခွက်ထဲမှာ ပန်းတွေပွင့်သွားအောင်ပေါ့
ဟုတ်ပါတယ် မေမေ
သားကိုက အိပ်မက်နဲ့ အဆက်အသွယ်ရချင်တာပါ . . .
ဟော . . . ဟော . . .
အဲ့တာ မကောင်းဝါးဆိုးတွေ အသံပေါ့
ဒီလိုနဲ့ တစ်နာရီခြားဆီ ဝေးသွားကြ
နေပါဦး မိယုရယ် . . .
ငါတို့က ခိုတွေလိုပါပဲ
ရင်ဘတ်မဲမဲတွေပေါ် မတပ်မဖြစ် ကြယ်သီးတွေ တပ်လို့
လိပ်စာမပါဘူး မေမေ
အဲ့ဒီမှာ သူစောင့်နေလိမ့်မယ်
စနေမိုးပါ မိယုရယ် . . .
မထူးတော့ပါဘူး
ဝုန်းခနဲ ခုန်ဆင်းမိမှတော့
ကြောင်လိုမအော်တော့ဘူး
သား သူ့ကို သတိရလွန်းလို့ပါ မေမေ
သူ့ဟာ နဲ့ သူ နေတာပဲ မိယုရ . . .
ငါတို့ လိပ်ပြာတွေကိုက သန့်သန့်လေးရယ်
တရေးနိုး ထ ပြီးတော့ မိုး ကြည့်ရတာ
မောလိုက်တာ မေမေရယ်
ဒီနှစ်ကိုက ကံဆိုးရာသီလေ . . .
ယဲ့တဲ့တဲ့နဲ့ မိယုရ
ငါတို့က တစ်ယောက်ကို တစ်ယောက်
` ထောက် ´ ထားတဲ့
ဝါးဆစ်ပိုးတွေကိုး . . . ။

ဒီလိုနဲ့ ပန်းတွေ ပွင့်လာကြစေသတည်းပေါ့
မိယုရယ် . . .
ဒီလို မေမေ ဒီလို
ပိုးစားနေတဲ့ စိတ်က
သားနောက်လိုက်
ခွာရာတွေက လိပ်ကျန်ရစ်

သွားပါပြီ
ကြယ်တခြမ်း လတခြမ်းနဲ့  ( . . . . . . . )
သူက သားအိပ်မက်ဟောင်းထဲက
တိမ်ဖြူမ
မြုပ်လိုက် ပေါ်လိုက်ပါပဲ မိယုရေ
ဆွေး . . . ဆွေး . . . ဆွေး
ဆွေး ဆွေး လေး
နာရီနောက်ကနေရင်း
လက်တံတိုလေးကို မမှီမကမ်း
လွမ်းတယ်
အိပ်လို့မပျော်ပါဘူး မေမေရယ်
ပေါ်လိုက် ပျောက်လိုက်နဲ့
ရေစီးကျသံတွေကြားရ
သူတို့ ပျေက်သွားပြန်ပြီ မေမေ
သူတို့ ပြန်ပေါ်လာပြန်ပြီ
ဒီလိုပါပဲ 

မိယုရယ် . . .
ဟိုးနားက ကျပ်ခိုးတွေပေါ်မျာ ကပ်
လက်ချိုးရေကြည့်နေတာ
မပြီးသေးဘူး
` ချောက် ´ ဆို တံခါးပိတ်သွားတဲ့
ပန်းသီးလေး
ခါးလိုက်တာ မေမေရယ်
သားတော့ သေမှာပဲ
သူမရှိတော့ဘူး
သူတို့လဲ မရှိတော့ဘူး
သားတော့ သေမှာပဲ
ငွေ့ ငွေ့ လေးပဲ လောင်သွားတာ မိယုရဲ့ 
ဒါပေမယ့်
ခြောက်ခမ်းနေတဲ့ နှုတ်ခမ်းပါးက
ခြေရာ လက်ရာပျက်သွားတာ
ငါတော့ သေမှာပဲ . . . မိယုရယ် . . . ။

+ရုပ်သေး+

 

အရှေ့မှာ ... မိုးတိမ်တွေပြိုနေတာ
ကိုယ်နဲ့မဆိုင်သလိုပဲ
တစ်ရက်ပြီးတစ်ရက် ငါတို့ပိုအက်ကွဲလာကြ
ဒီတစ်ညလည်း ကြယ်တွေကြွေကြဦးမှာပဲ


ဒီမှာ အစိမ်းလိုက်ချုပ်ထားရသော နှလုံးသားနဲ့
လွမ်းဖျား လွမ်းနာ ကျ
ဒီညက ခင်ဗျားပြောသလို
ကြယ်တွေကြွေနေတာ အမှန်ပဲ


ကြယ်တွေကတော့ ကြွေပါတယ်
ငါ့ဆုတောင်းသံ မထွက်ဘူး
မီးလိုပူခဲ့သော နေ့တွေ
မီးလိုလောင်နေသော ညတွေ ..
ကြယ်တွေကတော့ ကြွေပါတယ်...

 

သံသရာရှည်မှာမကြောက်ပါဘူး
နင့်ရယ်သံတွေ ရာသီမတိုင်ခင်ရွာမှာကိုပဲကြောက်တယ်
ဆုတောင်းတိုင်းမပြည့်တတ်တဲ့
နက္ခတ်တာရာတွေက ကောင်းကင်မှာအပြည့်
တို့တွေအဲဒီလိုပဲ ယုတ္တိရှိရှိဝေးခဲ့ကြ


အရာရာဟာ အရာရာအတိုင်း
ဘာကိုမှအဟောင်းအတိုင်းမထားခဲ့နိုင်ဘူး
ဒီတော့ . . . အရာရာကို ပြန်စဖို့အတွက်
သုညတစ်လုံးလောက် လိုတယ်။


ဘယ်လိုကြောင့်များ
စိတ်ကူးတွေမှားခဲ့ကြသလဲ
နှုတ်ခမ်းတွေခါးခဲ့ကြသလဲ
ဝေးကွာခြင်းကို ပြန်လည်ခေါ်ယူလို့
ကဖေးဆိုင်လေးကို အသက်သွင်းကြည့်မိတယ်
နတ်သမီးရယ် . . . . . . .
နင် ပြတ်ပြတ်သားသားရယ်ရက်လေတယ်


မြေမှုန့်လူးနေတဲ့နှင်းဆီလည်းနှင်းဆီပဲ
နှင်းစိုနေတဲ့နှင်းဆီလည်း နှင်းဆီပဲ
ငါတို့တစ်နေ့နေ့မှာ ဝေးရမယ်ဆိုရင်လည်း
ဘယ်ဘုရားဆီမှာမှ ငါဆုတောင်းမှာမဟုတ်ဘူး
တကယ်တော့ငါကလည်း ငါပါပဲ ...
ဝတ်မှုန်တွေလွင့်နေခဲ့တာတောင် ရနံ့ကိုမကြိုက်ခဲ့ဘူး


ရပ်နားကြစို့တဲ့လားကွယ်
ငါ့အနားရပ်သွားတဲ့ စက္ကူရွေ့သံတွေ
တိုးတိုးလာမယ့်အသံတွေ
ပြီး...
တိုးတိုးသွားမယ့် အသံတွေ
(ရင်ထဲမှာ စိတ္တဇနာမ်တွေနဲ့ပြည့်..)
နတ်သမီးရယ်...... ၊၊


ကွဲအက်သွားတဲ့စာရွက်ကို
ပြန်ဆက်ဖို့ကလည်းခက်တယ်
ယင်းထအိပ်မက် ၊ အဆိပ်တက်စက္ကူငှက်ရုပ်များ
လေရူးဆန်ဆန်စာတိုပေစများ
ဒီအတိတ်တွေကြား . . . . . .
ငါလည်း သွားချင်ရာသွားနေခဲ့ရ
တိုးတိုးလေးအော်ခေါ်နေမိပြန်တယ်
နတ်သမီးရယ် . . . . နတ်သမီးရယ် . . .
နတ် သ မီး ရယ် . . . .


ဒါကို သင်္ခါရလို့ မပြောနဲ့
ဒါကို တည်မြဲပြိုကွဲခြင်းလို့မပြောနဲ့
ဒါကို ... ဒါကို
ဘာမှမပြောပါနဲ့ကွယ်


တကယ်တော့
ငါတို့အစကတည်းက ဘာမှမပြောခဲ့ကြပါဘူး
နင့်ရဲ့ရှေ့မှာ . . . . ပြီးတော့ ငါ့ရဲ့ရှေ့မှာ
မိုးတိမ်တွေ ပြိုကွဲလွင့်စင်နေခဲ့တာ
နတ်သမီးရယ် . . . . .
ဝေးခဲ့ကြပြီးတာတောင် တစ်သက်လုံးစာ
ကြယ်တွေခြွေချထားရစ်ခဲ့တယ် ။ ။

 

 

ဇာတိ +  သူရဿဝါ  +  ရိုးရာ  +  ကြက်သွန်

 

စနိုက်ပါသမားကသူ့အချိန်အဆနဲ့သူဆိုရင်

သတင်းစာပို့သမားကလဲ သူ့အချိန်အဆနဲ့သူပါပဲ

ညီမလေးရေ

ကိုယ်တို့ရဲ့ဇာတ်ဝင်ခန်းမှာလဲ

ကိုယ့်လွမ်းတေးနဲ့ကိုယ်ပေါ့

 

မိုးဘယ်လောက်ပဲရွာရွာ

ထီးတွေကိုပိတ်ထားကြရအောင်

အဲဒီလိုပဲ

လောကဓံက ကိုယ်တို့ရဲ့ကျောပေါ်ကို

တိုက်ရိုက်ထိခတ်ပါစေ

 

မပြောရသေးတဲ့စကားတစ်ခွန်းက

ပြောပြီးသားစကားနှစ်ခွန်းထက်

ပိုပြီးတန်ဖိုးရှိတယ်တဲ့ ညီမလေး

ကိုယ်တို့ဆိတ်ဆိတ်ပဲနေလိုက်ကြရအောင်

ကိုယ်တို့ဇာတ်ဝင်ခန်းမှာ

မိုးဘယ်လောက်ပဲရွာရွာပေါ့

 

တစ်နေ့တစ်လုံးသီရင်းနဲ့

တစ်နေ့နေ့မှာတော့

ပုတီးကုံးလေးတစ်ခုတော့ရတန်ကောင်းပါရဲ့

.......................

ကိုယ်အဲဒီလောက်ထိမျှော်လင့်တတ်ခဲ့ပါတယ်

ညီမလေးရယ်

 

ညီမလေးရေ

မိုးတွေဘယ်လောက်ပဲရွာရွာ

မိုးတွေဘယ်လောက်ပဲရွာရွာ

မိုးတွေဘယ်လောက်ပဲရွာရွာပေါ့

ကိုယ်တို့ရဲ့ထီးတွေကို

ပိတ်ထားကြရအောင်။  ။

 

အဲဒီလမ်းက . . .

ငါသွားဖို့ မဟုတ်ပါဘူးတဲ့ကွယ်

 

ငါ မသိ . . .

ငါ မရှိ . . .

ငါ မထိ . . .

ငါ မရိ . . .

 

နှုတ်ဆက်လိုက်ပါတယ် . . .

ကလေးမရယ် . . .

 

တိမ်ဆိုတာ .. မြူခိုးတွေနဲ့

ဖုံးထားတဲ့ အယောင်ဆောင်

ဝါဂွမ်းလှလှလေး တခုပေါ့

 

ဆောင်းငွေ့ငွေ့နဲ့ နှင်းတပွင့်ကို မြင်ရင်

နင့်ကို ငါလွမ်းမယ်။

နွေဦးမှာ  ငှက်ကလေးအော်သံသဲ့သဲ့နဲ့

စကားပြောချိုတဲ့ ကောင်မလေးတယောက်ကို

ငါလွမ်းမယ်။

မိုးစက်တွေ ခုန်ပေါက်မြူးဆော့

ချစ်သော ရွာသူမလေးတယောက်ကို

ငါပြန်မြင်ယောင်ပါ့မယ်ကွယ်။

 

နိဗ္ဗာန်မှာ မီးတပြိုက်က

သုန်သုန်လင်းနေပြီ . . .

နတ်လောကဘုံကို ဦးတည်

မိုးမချုပ်မှီ . . .

မိုးတိတ်တေးတို့ သီ

 

ဟိုးက . . .

စောင်းသံ ယဲ့ယဲ့ကို ကြားရတယ်

 

လိုက်ပါသွားတော့မလား

ငေးနေခဲ့ရမလား

ရပ်နေခဲ့ရမှာလား

ငါမသိတော့ပါဘူးကွယ်

 

ငါ့မျက်နှာမူရာတည့်တည့်က

တနင်္ဂနွေတွေကို ရိတ်သိမ်း

ချစ်ရပါသော ရွာသူမရယ်

လွမ်းတယ်(လွမ်းတယ်ကွယ်)

 

အိပ်မက်ထဲက ထွက်ခွာသွားတဲ့

မြင်းခွာသံတွေကြားမှာ . . .

မျှော်လင့်ချက်ကသူ့ကိုယ်သူပုတ်

နိုးတဝက်ဖြစ်တဲ့ တေးတပုဒ်နဲ့ ငါ့ကို လှုပ်နှိုးတယ်

 

မလှောင်ပါနဲ့ကွယ် . . .

ကျိူးကျိူးနွံနွံ ငါ့မှာလည်း . . .

နွေးနွေးထွေးထွေး ပွေ့ဖက်ထားပေးမယ့်

ရင်ခွင်သေးသေးလေးတခုတော့  ရှိပါရဲ့

 

ကြိုးမိန့်ကို မကြောက်ဘူး

ဒါပေမယ့်လေ . . .

ငါ့ကို . . . ဒုန်းဆိုင်းပြီး

အဝေးကို ပြေးထွက်သွားမယ့်

ခြေသံတွေကိုတော့ကြောက်တယ်

 

စကားတခွန်းက ချွန်းသွားတွေလို

သွေးတမြမြ . . . ငါ့ နှလုံးသွေးကို

ဖောက်ဖောက် မသောက်ပါနဲ့

ကလေးမရယ်

 

ရထားဟာ ဘူတာကို စွန့်ခွာထွက်ပြေး

ငါ … ဘူတာရုံလေးလို မဖြစ်ချင်ဘူး

ရမယ်ဆိုရင် ကလေးတယောက်လိုပြေးလိုက် . . .

မထားခဲ့ဖို့ ပြောရင်း ထွေးပိုက်ထားစေချင်တယ်

 

တိမ်မျှင်တွေ ကွေ့ကောက်

မိုးတွေလည်း အုံ့စိုင်း

တနင်္ဂနွေတိုင်း နင် အပိုင်သာယူပါတော့

ကလေးမရယ် . . .

 

မြူခိုးတဝေဝေ

အလွမ်းတို့ ကြွေကျ

နင်လျှောက်သော လမ်းတိုင်း

ငါ့ကို ခေါ်ပါ . . .

 

ပြီးတော့ . . .

တိမ်လူကလေးရဲ့ သက်တန့်စာမှာ

ပုရပိုဒ်တခုကို ထမ်း. . .

နင့်ကိုငါ လွမ်းမယ် . . .။

 

ကခြေသည်ရဲ့ ဗျပ်စောင်းတစ်လက်နဲ့
မီးလျံပန်းပွားတွေ ပျောင်းသွဲ့လွန့်လူး
နတ်ဘီလူးတစ်သောင်းက
ဂီတတစ်ပုဒ် ထုဆစ်လိုက်ကြတယ် ။

ငါ. . . ဘာမှမသိလိုက်ရဘူး နှင်းဆီဝါရယ်
ငါ. . . ဘာမှ မသိခဲ့ရပါဘူး ။

မြှားတစ်စင်းကို
ညှို့ကလွှတ်ပြီးမှ
ပြန်ချော့ခေါ်လို့မရဘူးကွယ့် . . . ။

သက်တံ့ကိုခူးတော့မယ်ဆိုကာမှ
ဘယ်အရပ်က နေ၀င်သွားရတယ်မသိဘူး
တစ်ယောက်တစ်ပေါက်နဲ့
သေမလောက် ဝေးခဲ့ရတယ်. . . ။

ပန်းခေတ်ယဉ်ကျေးမှု တစ်ပိုင်းတစ်စနဲ့
ပန်းရိုင်းနှင်းဆီမလေးရယ်
မလွမ်းချင်ဘူးဆိုပြီး . . . ငါ
. . . လွမ်းတယ်. . . ။

မိုးတွေက သည်းကုန်ကြပြီ
ကိုယ်လည်း
အားပါးတရ ရွာပြလိုက်ချင်တာပေါ့ ။

တကယ်တော့
ဟောဒီ ခြောက်သွေ့သွေ့ကောင်ရဲ့ ရာသီဥတုမှာ
နွေရောက်ခဲ့တာ ကြာပါပြီကောလေ. . . ။

မြက်ဝါတွေ တလိပ်လိပ်နွဲ့ယိမ်း
အိပ်မက်တွေ
ဘယ်သူခေါက်သိမ်းသွားခဲ့ပါလိမ့် ။

ဟိုး. . . တုန်းက
အပိုင်ရခဲ့ဖူးတဲ့စနေတွေ
ဒီနေ့. . .
ကိုယ့်ကို တစ်ဖဲ့ချင်းခြွေချနေကြတယ် ။

ကြောက်စရာကောင်းလိုက်တာ
ပညာတွေဘယ်နှစ်ခန်းတိုင်ခဲ့ပြီလဲ
အသည်းတစ်ခြမ်းပဲ့ပါသွားမှ
“စုန်းမ”မှန်းသိရတယ် . . . ။

အဲဒီ ခရမ်းရောင်နှုတ်ခမ်းတွေပါပဲ
ကိုယ့်ကိုလိုသလိုကြိုးဆွဲသွားခဲ့တာ
ကုပ်ပိုးမှာ “ဘို့” ထွက်လာမှ
အထိတ်တလန့် ထအော်မိတယ်
“. . . . . . . . . . .”

ကိုယ်က. . .
လွင်ပြင်တွေပေါ်ကူးခတ်ပြီး
ဘီလူးတစ်ခြမ်းနဲ့ဂီတကိုမှ
တေးဖွဲ့ကပြချင်ခဲ့သူ
မီးခိုးတွေ “အူ” တက်လာတဲ့အထိ
ကောင်းကင်ကို မှိုင်းတိုက်ပစ်လိုက်ရော

တိမ်ဖြူလွလွတွေကတော့
ကျပ်ခိ်ုးမစွဲကြပါဘူး
ကိုယ့်မှာပဲ. . .
တမြေ့မြေ့ ပြာ. . . ကျ . . . ၊၊    ၊၊

 

 

--ရိုးရာ--

ငါ့ကိုယ်ငါ ပြန်လည်တွေ့ရှိခဲ့တယ် ။
“ ငါ ” တဖြစ်လဲ ” ငါ မဟုတ်တဲ့ ငါ ” ၊
သို့မဟုတ် ..... .....
သက်ရှိရုပ်ကြွင်းတစ်ခု ၊
ခြေ လက်အင်္ဂါတို့ မပါရှိဘဲ
ဦးခေါင်းပိုင်း နှင့် ကိုယ်ထည်ပိုင်း တို့သာ ၊

သော့အထပ်ထပ် ခတ်ထားတဲ့ ဦးခေါင်းခွံကို
ဖွင့်ဟပြီး တခုစီ ထုတ်ယူကြည့်မိရာ
ပထမဆုံး မြင်ရသည်ကတော့
ပြက္ခဒိန်ဟောင်း ၆ ခု ၊

ထို့နောက် ..... ..... .....
ဖြူညစ်ညစ်မီးခိုးငွေ့များ ၊
ထက်ပိုင်းကျိုး ဆေးလိပ်တိုများ ၊
တဖွားဖွား တောက်နေတဲ့ မီးကြွင်းမီးကျန်များ ၊
လက်ညိုးထိုးမလွဲအောင်ရှိနေကြ ၊

ရံဖန်ရံခါ ထကြွသောင်းကျန်းတတ်သော
သွားကိုက်ရောဂါပိုးမွှားများ ၊
တဟုန်ထိုးစိုက်၍ကျဆင်းနေသော လေတံခွန် ၊
သွေးထွက်သံယို ပုစ္ဆာတချို့  ၊
အောက်စီဂျင်နပ်မမှန်သော နေ့စွဲအထပ်လိုက် ၊
အငြင်းပွားဖွယ်ရာ ရလာဒ်များ ၊
ဆီစိမ်စက္ကူနှင့် ထုပ်ပိုးထားတဲ့
မှိုတက်နေသော လက်ရေးစာမူ ၊

ဟိုးအောက်ခြေနားမှာလည်း ပစ္စည်းတချို့ 
ဖျတ်ခနဲ တွေ့လိုက်ရတယ် ။
လက်လှမ်းမမှီတာနဲ့ပဲ
ဦးခေါင်းခွံကို တွေ့မိတွေ့ရာနဲ့
ထက်ခြမ်းခွဲချလိုက်တော့
..... ..... ..... ..... ..... .....

အရင်ဆုံး ခုန်ထွက်လာတာက
သုညမပီသသေးတဲ့ ( သို့မဟုတ် )
( ၁ ) တစ် ဖြစ်နေဆဲ သုညတစ်လုံး ၊
ညဘက်အိပ်မပျော်တတ်သော ရောဂါ ၊
( ညာဘက်ထောင့်စွန်းမှာ ကပ်နေလို့
မနည်းခွာယူလိုက်ရတယ် )
ထပ်ခါတလဲလဲ အရောင်တင်ထားရတဲ့
ဒဿနအတွေးအခေါ်တချို့  ၊
သေတ္တာတလုံးထဲ သေသေသပ်သပ်ထည့်ထားတဲ့
အိပ်မက်တခုစာ ဆောက်ထားတဲ့ ခရမ်းနုရောင် တိမ်တိုက် ၊
( ထွက်ပြေးနေလို့ မနည်းနဖားကြိုးပြန်ထိုးလိုက်ရတယ် )

ဘာတွေကျန်ဦးမလဲလို့ သွန်ချကြည့်လိုက်တယ် ။
တခုမှထွက်ကျမလာတော့ဘူး ။
ခွဲထားတာကို နေသားတကျ ပြန်ချုပ်တော့မှပဲ
လှစ်ခနဲ တခုမြင်ဖြစ်အောင် မြင်လိုက်သေးတယ် ။
လက်နဲ့ စမ်းကြည့်တော့လဲ မထိမိဘူး ။
ဟုတ်တယ် ..... ..... .....
အဲဒါ “ ပြီးပြည့်စုံသော မရှိခြင်း သဘောတရား ”

..... ..... ..... ..... ..... ..... ..... ..... ..... .....
..... ..... ..... ..... ..... ..... ..... ..... ..... .....
..... ..... ..... ..... ..... ..... ..... ..... ..... .....
..... ..... ..... ..... ..... ..... ..... ..... ..... .....
..... ..... ..... ..... ..... ..... ..... ..... ..... .....

ကိုယ်ထည်ပိုင်း ။
ဒီတခါရော ဘာတွေထွက်လာဦးမလဲ ၊
ဒီရင်ဘတ်ထဲ ဘာတွေရှိနေမလဲ ၊
ဘာတွေ ..... ..... ဘာတွေ ..... .....
ဘာတွေ .....ဘာတွေ ..... ဘာတွေ
..... ..... ..... ..... ..... ..... ..... ....


သံချေးတက် ဓားတစ်ချာင်းနဲ့ပဲ
ကျောရိုးတလျောက် ခွဲချကြည့်လိုက်တယ် ။
တချွင်ချွင်အသံပေးနေကြားမိ ၊
မသုံးဖြစ်ခဲ့သော ငွေအကြွေစေ့ ၁၂ စေ့ ၊
စာအုပ် ၃ အုပ်စာခန့် ရေးလက်စ စက္ကူစုတ်များ ၊
ရက်လွန်နံရိုးကင်တစ်ချောင်း ၊
အမှောင်ထဲမှာပင် ခလုတ်လာလာတိုက်သော ပြဿနာများ ၊
လက်ဗွေရာမျိုးစုံနှင့် ဂဏန်းပေါင်းစက် ၊
တရုတ်စကားပင် ၊
အစွယ်ချိုးချိုးနေရတဲ့ တောကြီးမြွေဟောက် ၊

ချဉ်သိုးသိုးအနံ့ရတာနဲ့ နဲနဲမွှေကြည့်လိုက်တယ် ။
ဝေမျှရန် ဆိုသော ပေါင်မုန့်တစ်လုံး ၊
မိုး လေကင်းစင်တဲ့ စပျစ်သီးချဉ် ၄ လုံး ၊
ပြဌာန်းချက်တွေ ထိုးကြိတ်ထည့်ထားတဲ့
အရောင်မွဲမွဲ ကချင်လွယ်အိတ်တစ်လုံး ၊
နှုတ်ခမ်းပဲ့ ဖန်ခွက်တစ်လုံး ၊
ပျောက်ဆုံးနေသော တထောင့်တည ပုံပြင်များ နှင့်
အရှိုက်တည့်တည့်ကို မှန်တဲ့ စကား နှစ်ခွန်း ။

တခုချင်း ထုတ်ကြည့်နေရတာ
လက်အံသေလာတာနဲ့ သွန်ချလိုက်တယ် ။

တဒုန်းဒုန်းမြည်သံနဲ့
လတ်စမသတ်ရသေးတဲ့ ရင်ခုန်သံ လက်ကျန် ၊
ဘယ်သူရွေ့ သွားမှန်း မသိတဲ့ ဒိန်ခဲ ၊
ကကြိုးတန်ဆာတောက်ပနေတဲ့ မြင်းရိုင်းတစ်ကောင် ၊
မြှားချက်ဗလပွနဲ့ ကတုတ်ကျင်း ၊
မဆုတ်ဖြဲဖြစ်ခဲ့သော စစ်မျက်နှာစာ ၊
ရင်ဘတ်တချက်တချက် အောင့်ခြင်း နှင့်
ယခု ရေးနေသော ကဗျာ ။

ဘာမှ ထပ်ပြီးကျမလာတော့ဘူး ။
ဘာမှ ထပ်ပြီးကျမလာတော့ဘူး ။
ဘာမှ ထပ်ပြီးကျမလာတော့ဘူး ။

ညီစိမ်း ( သိုးမဲ )

သက်တန့်တွေ မိုးလိုရွာလာတာ

ဖြစ်မှာပါ ….

( ချစ် . . . တယ် )

ဒါ… သတိလက်လွတ် “တ” မိတဲ့

မတော်တဆ ခလုပ်တစ်ချက်ပါ .. ၊၊        ၊၊

 

ခင်ဗျားလေး ရဲ့ ရှေ့မှောက်မှာဖြစ်ဖြစ်

ခင်ဗျားလေး ရဲ့ နောက်ကွယ်မှာဖြစ်ဖြစ်

တိုးတိုးလေး မှောင် ချင်ပါရဲ့

တိုးတိုးလေး လင်း ချင်ပါရဲ့

 

ဖြစ်နိုင်မယ်ဆိုရင်တော့

ဖြစ်နိုင်မယ် ဆိုရင် နဲ့ပဲ “စ” ချင်တယ်

မိုးတွေ သက်တန့်လိုရွာလာရင်

ပြောမယ် …

ဒါဟာလည်း

မတော်တဆ “တ” မိတဲ့

အရုပ်ကြိုးပျက် ခလုပ်တစ်ချက်ပဲ ဖြစ်မှာ…

မှော်မလေး ရယ်

ချစ်

တယ် ….. ၊၊     ၊၊

 

;;