နင်တစ်ဝက်ငါတစ်ဝက်နဲ့ငါတစ်ဝက်နင်တစ်ဝက်ထမ်းထားတဲ့ကောင်းကင်



မနက်ဖြန်ကို မနက်ဖြန်လို့မမြင်ခင်ကတည်းက

နင့်ကို ငါ့်ရဲ့တစ်ဝက်တစ်ခြမ်းလို့ ငါမြင်တတ်ခဲ့တာ

မိသုနြေ္ဒရေ. . .  ခုတော့

မိုးကတောင် ငါ့ကိုတစ်ဝက်ပဲစိုအောင်ရွာတယ်။

 

တိမ်အသေတွေပါလားမိသုနြေ္ဒ

ဟိုးမှာ. . ဟိုး. . . . .မှာ လေ

ခပ်နိမ့်နိမ့် သေနေကြတာကွယ်

လေပြေဟာတောင် သူတို့နဲ့မဆိုင်လိုက်သလိုပါပဲ။

 

နင်မေ့ထားလိုက်တာလားမိသုနြေ္ဒ

နင်က ငါတစ်ဝက်နဲ့ နင်ဖြစ်သလို

ငါကလည်း နင်တစ်ဝက်နဲ့ငါဖြစ်နေခဲ့တာ

တကယ်ဆိုတော့ ငါတို့ဟာ

တစ်ယောက်စီရဲ့ ပျောက်ဆုံးနေတဲ့အစိတ်အပိုင်းတွေပါ။

 

ကျောက်ခေတ်လူသားက

မီးကိုရှာဖွေတွေ့ရှိသလိုမျိုး

ကန္တာရက စမ်းချောင်းကိုရှာဖွေတွေ့လိုက်သလိုမျိုး

မီးခိုးတန်းက ကောင်းကင်ကိုရှာဖွေတွေ့ရှိလိုက်သလိုမျိုး

ငါနင့်ကိုရှာဖွေတွေ့လာခဲ့တာပါ မိသုနြေ္ဒ ။

 

တရွေ့ရွေ့  . . .

တ. . . ရွေ့  . . . ရွေ့  . . .  ရွေ့     နေ

မုန်တိုင်းမှာ ပန်းတွေပွင့်လာတယ်မိသုနြေ္ဒ

မုန်တိုင်းကပန်းတွေသယ်လာတာမဟုတ်ဘူးနော်

မုန်တိုင်းမှာ ပန်းတွေပွင့်လာကြတာ ။

 

ဖြည်းဖြည်းပဲသွားပါ

ခလုတ်တွေတိုက်မိနေဦးမယ်

နင့်နောက်ကလိုက်မလာသလို

နင့်ကိုလဲဆွဲမထားပါဘူး မိသုနြေ္ဒရယ်။

 

သွားတော့နော်. . .

မနက်ဖြန်ဟာ မနက်ဖြန်မဖြစ်ခင်မှာ

ငါတစ်ဝက်ဟာနင်ဖြစ်လျက်ပါသွား

နင်တစ်ဝက်က ငါ့ဆီကထွက်သွားကြ. . . . . . . . .။         

" အသည်းကွဲ စက္ကူ "

 

ငါ က

(ဒုက္ခလှလှလေးနဲ့ ရေးထားတဲ့)

ကဗျာတစ်ပုဒ်ဖြစ်ချင်ခဲ့တဲ့

စက္ကူတစ်ရွက်ပါ။

(တစ်ဦးတစ်ယောက်ရဲ့)

လက်ဖဝါးလှလှလေးကသာ

ငါ့ကို

......... လေယာဉ်ပျံလုပ်ပြီး

လွှင့်မပစ်ခဲ့ရင်ပေါ့ ၊၊            ၊၊

    (ဇာတိ)

 

 

" အသည်းကွဲစက္ကူ "

 

နင်ကြိုက်တဲ့

ရောင်စုံစက္ကူတစ်ရွက်မှ

ငါက ဖြစ်မလာတာ

အရုပ်လှလှလေးတွေလည်းမပါဘူး

အရောင်ဗလာနဲ့

မီးထဲရေထဲ

အသည်းကွဲနေတဲ့ စက္ကူ . . . . .၊၊   ၊၊

 (သူရဿဝါ)

 

 

"  အသည်းကွဲ စက္ကူ "

 

တိမ်တွေကိုမည်းမှောင်ပစ်လိုက်ရင်း

ညနေရဲ့အမှောင်ကို ပျစ်စေးစေလိုက်ရင်း

မြေနီလမ်းလေးကို စိုထိုင်းစေလိုက်ရင်း

လျှပ်စီးတန်းတွေကို ကွေးကိုင်းစေလိုက်ရင်း

မုတ်သုံကို ရင်ဘတ်ထဲဆွဲသွင်းထားလိုက်ရပြီး

အဲဒီညနေဟာ

သက်ဆိုင်ရာသို့အကြောင်းမကြားလိုက်ရဘဲ

အသံတွေတဖြည်းဖြည်း တိမ် တိမ်သွားတယ်။

(ကြက်သွန်)

 

"  အသည်းကွဲ စက္ကူ "

 

တတ်ပဲတတ်နိုင်လွန်းလှချည်ရဲ့

တစ်ဝက်တစ်ခြမ်း စုတ်ဖြဲခဲ့ပြီးမှ

နယ်နမိတ်ချင်း ပြန်လည်ထိစပ်ချင်ပါသတဲ့လား ..

စေလိုရာကို စေပါတော့ .. မှော်လေးရေ

ငါဟာ … အပိုင်းပိုင်းပြတ်နေတဲ့

မင်းရဲ့ လိုရာသုံး စက္ကူစုတ်လေးတစ်ရွက်မို့ပါပဲ ကွယ် ၊၊       ၊၊

(မင်းယွန်းသစ်)

 

"  အသည်းကွဲ စက္ကူ "

 

တစ်ခြမ်းစီ ကွဲကြေသွားပြီဆိုမှ

ပိုင်းခြားလိုက်ကြတာ မဟုတ်ဘူး

. . . .  မဆုတ်မဖြဲ

ပြဲ သွား ခဲ့ တဲ့ စ က္ကူ လေး မှာ

နင် နဲ့ ငါ

တစ် ခြမ်း စီ ပါ သွား ခဲ့ တယ် ၊၊         ၊၊

(ရိုးရာ)

 

"  အသည်းကွဲစက္ကူ "

 

အရောင်မရှိ အနံ့မရှိ

ဘာဖြစ်တည်မှုတစ်ခုတစ်လေမပါဝင်ခဲ့တဲ့

စာရွက်တစ်ရွက် ပါ

ဒါကိုများ ၀ိုင်းသမုတ်လိုက်ကြပါသေးတယ်

အသည်းကွဲ စက္ကူ တဲ့........................၊၊

( အမည်မဲ့)

 

"  အသည်းကွဲစက္ကူ  "

 

စက္ကူတစ်ရွက်ရဲ့ တန်ဖိုးကို

အဲဒီစက္ကူအပေါ်မှာရှိတဲ့ ပုံရိပ်တွေနဲ့ ဖြတ်တယ်...

တကယ်လို့

ငါက စက္ကူတစ်ရွက်ဆိုရင်

ငါ့တန်ဖိုးကို ဘယ်လိုဖြတ်ကြမလဲ...

ငါ့ အ ပေါ် မှာ

နင့်ပုံရိပ်တွေချည်း ရှိနေတယ်...။ ။

 (ရွှေယုန်)

 

"  အသည်းကွဲစက္ကူ  "

 

ဘယ်သူကရေးလို့ ဘယ်သူကဖျက်လည်း

လက်နဲ့ ရေးပြီး ခြေနဲ့ ဖျက် ခြေနဲ့ ရေးပြီး လက်နဲ့ ဖျက်

(အမှားတွေကင်းအောင်လို့ တဲ့ လားကွယ်)

ဘာမှမကျန်ခဲ့ ဘူးဆိုပေမယ့်

စက္ကူဘယ်လောက်ကောင်းကောင်း ခဲဖျက်နဲ့  ခဏခဏဖျက်မိတဲ့ အခါ

စုတ်ပြဲသွားတတ်တာပဲ။  ၊၊

(ဖိုးခွား)

 

 

"  အသည်းကွဲ စက္ကူ "

 

ရိုးသားစွာ ရက်စက်တဲ့လက်ရေးလှလှလေးကြောင့်

အသည်းကွဲ သွားတဲ့ စက္ကူချပ်လေးထဲ

(ကိုယ်)

လောင်ကျွမ်းခဲ့ရတယ် ၊၊          ၊၊

(ဏေသစ်)

 

ဒီကနေ့ဟာ ကျနော်ဆိုတဲ့ကောင်တစ်ယောက် ခြေထောက်ပေါက်ခဲ့တာ ဆယ်စုနှစ်နှစ်ခုရဲ့စည်းအပြင်ကို ခြေတစ်လှမ်းကျွံမိတဲ့နေ့ပေါ့။ ဟိုး. . . ခပ်လှမ်းလှမ်းက လွမ်းနေမယ့်အမေ့ကို ဒီကဗျာလေးနဲ့ဦးချပါရစေ။



နိုဝင်ဘာရောက်ပြီ မေမေ

တစ်ခုခုများမှားနေသလားဆိုတော့
တစ်ခုခုမကဘူး မှားနေတယ်မေမေ
ဒါနဲ့ပဲ . . .
ဟိမဝန္တာကို
ဖိနပ်မပါပဲ တက်လာခဲ့တယ်။

မေမေရေ. . .
လမ်းလျှောက်ကောင်းတဲ့လူမိုက်
ခုတော့ ခလုပ်တိုက်ပြီ။

“သားရေ. . . လှေမထွက်ခင် ရေကူးတတ်အောင် သင်ထား”တဲ့
ဟုတ်တယ်မေမေရယ်
တက်မပါပဲ
ပင်လယ်ကိုလှော်ဖို့ကြိုးစားတာ
သား. . . မှားတယ်။

ဒီဆောင်းကလည်း
အဟောင်းကြီးပါမေမေရယ်
ဘာလို့စောင်အသစ်တွေခြုံမလဲ
အနွေးထည်အဟောင်းလေးလည်း နွေးပါတယ်။

မေမေခဏခဏပြောတယ်
“ခုလိုနိုဝင်ဘာမျိုးပေါ့”တဲ့
မေမေ့အတွက်တော့ နိုဝင်ဘာတိုင်းဟာ
တူနေမှာပေါ့
တကယ်တော့. . .
ခုနိုဝင်ဘာက အဲဒီတုန်းကလို
မအေးတော့ဘူးဗျ။

ခုဆို နိုဝင်ဘာကိုရောက်ပြီလေ
ဒီတစ်နှစ်လည်း
ကုန်းထိပ်ကဘုန်းကြီးကျောင်းအတွက်
မေမေဆွမ်းတစ်ချိုင့်ချက်တော့မယ်ဆိုတာ
သားသိပါတယ်။

သားမှတ်မိသေးတယ်မေမေရာ
ငယ်ငယ်တုန်းကလေ
မေမေက မြေပြင်ပေါ်ကြယ်ပုံရေးပြတော့
သားကမိုးပေါ်မှလက်ညှိုးထိုးပြခဲ့တာ
အဲဒီကြယ်ကလေးကတော့
မိုးပေါ်မှာခုလင်းနေပြီ
သားကတော့
မြေပြင်ကိုငုံ့ကြည့်နေတုန်းပဲ မေမေ ။ ။

“သို့ ….ရိုးရာ….”

 

ဒီကနေ့  ဗြိစ္ဆာရာသီရဲ့ 

၁၆ယောက်မြောက်ကောင်လေးတယောက်…

မိုးရေစက်တွေရဲ့ အဝေး…ပြေးရင်းလွှားရင်း

လူ့ လောကထဲ လမ်းမှားရောက်လာခဲ့တဲ့ နေ့ ပေါ့…

 

အဲ့ဒီ့ကောင်လေးပေါ့..

အိပ်မက်တွေ စိုရီလူးရာနောက်..

နှင်းဆီဝါတွေ ပိုက်ခူးပြီး…

အမိအရ လိုက်ခဲ့ဖူးတယ်….

 

လူငယ်တယောက်ရဲ့ ညတာတိုသော နေ့ ရက်တွေကြား

ကဗျာစာရွက်များစွာ…အုပ်မိုးဖူးခဲ့…

ကျေးဇူးပြုပြီး…

“အဓိပ္ပါယ် မရှိတဲ့အလုပ်တွေ” ဆိုတဲ့စကားနဲ့ …

လူငယ်လေးရဲ့ နှလုံးသားကို မထိုးနှက်ကြပါနဲ့ ….

 

ကဗျာဆရာ ဆိုတာ မဟာဆန်ချင်မှ ဆန်မယ်…

သို့ ပေမယ့်…

ရောက်လေရာ အရပ် လက်အုပ်မမိုးတတ်တဲ့…

အသွားထက်ထက် ကလောင်တန်တွေ…

တန်ရာတန်ရာ ဂုဏ်သိက္ခာတော့ ရှိကြလေရဲ့ …

 

ကဲ…ဒီနေ့ ဒီရက်…

တရားဝင် လူလားမြောက်ခွင့်ရတဲ့…သားရိုးရာရေ….

 

မာယာရှင် လောကကြီးနောက်….

သူတကာ လက်ညိုးညွှန်ရာအောက်….

လမ်းမပျောက်ပါစေနဲ့ ….ကွယ်…

ကိုယ့်ခြေထောက်တွေ ကိုယ်မြတ်နိူး…

ကိုယ့်လှေကိုယ် ခရီးရောက်အောင်ထိုးနိုင်တဲ့…

မာတာ့ လက်ရုံး..

မြတ်သောလိမ္မာ…

သားကောင်းရတနာ တပါး…

ထာဝရ ဖြစ်သွားနိုင်ပါစေ…

ချစ်သော မောင်ငယ်လေး ရေ…လို့ ...။  ။

 

မှ

နွေးနွေးသဲမွန်…( For 10 Nov 2009, Yoeyar’s 21st B’day)

 

အဖြစ်အပျက် (၁) - ကြယ်ကြွေတစ်စင်း ကောက်ရခြင်း

 

                          “ချစ်တယ်”ဆိုတာ

                          တစ်ယောက်ရှေ့မှာ တစ်ယောက်

                          လက်နက်ချလိုက်ကြခြင်း ဖြစ်တယ်။

                          ငါ့ကိုယ်ငါ အပြာရောင်အလံတစ်လက်နဲ့ အုပ်မိုး

                          “ငြိမ်းချမ်းရေး” လို့လည်း တိုးလျှိုး တောင်းပန်ဖူးတယ်။

 

အဖြစ်အပျက်(၂) - ဘယ်ဘက်လွင်ပြင်ဒေသ၌ မိုးရွာသွန်းခြင်း

                        

                          မငိုပါနဲ့ကွယ်

                          သံလွင်တစ်ခက်ကိုပန်

                          သူရဲကောင်းဆန်ဆန်နေပါ

                          ဒါ အစပဲရှိသေးတယ်ကွဲ့။

 

အဖြစ်အပျက်(၃) - နှင်းဆီဝါ(၁၀) ပွင့်

 

                         နှင်းဆီဝါရေ

                         နှင်းဆီဝါ

                         နှင်းဆီဝါ

                         ငါ့ကို. . . .

                         ဖြည်းဖြည်းလေးယိုင်လဲသွားရုံ

                         အုံဖွဲ့သင်းပျံ့ပေးစမ်းပါ။

 

အဖြစ်အပျက်(၄) - ၁၃ရက် ၊ သောကြာ ၊ အနီရောင်တစ်ချို့စွန်းသော တစ်သျှူးစများ

                 

                         ပြီးဆုံးသွားပါပြီ

                        အားလုံးပြီးဆုံးသွားပါပြီ

                        ခုတော့ အားလုံး ပြီးဆုံးသွားပါပြီတဲ့

                        တိုးတိတ်စွာ လှည့်ထွက်

                       နှုတ်မဆက်ပဲ ဝေးလိုက်ကြတာပေါ့။

 

အဖြစ်အပျက်(၅) - ချောကလက်တစ်ဘူးနှင့် ဖေဖော်ဝါရီ (၁၄)

 

                        လှိုင်းဆိုတာ

                        ပင်လယ်ရဲ့ အနက်ရှိုင်းဆုံးဒဏ်ရာတွေပဲ

                        မြားနှစ်စင်းရဲ့ထိတွေ့မှုမှာ

                        လေးကိုင်းတွေကြိုးပြတ်သွားရတယ်။

 

အဖြစ်အပျက်(၆) - ပလတ်စတစ်နှင်းဆီအနီ (၁) ပွင့်

 

                         အတိတ်မှာ အနက်ဆုံးဆူးတယ်

                         ထိုနေ့က. . . . . . . . . . . . . . .

                         . . . . . . . . . . . . . . . . . . . . .

                         . . . . . . . . . . . . . . . . . . . . .

                        မုန်တိုင်းသတင်း အသိပေးချက် မထုတ်ပြန်ပါ။

 

အဖြစ်အပျက်(၇) - ခရမ်းရောင် ကီးချိန်း တစ်စုံ

  

                        ငါ. . . . . . . . . . . . . . . ငါ

                                       မှား

                       တယ်. . . . . . . . . . . တယ်

 

အဖြစ်အပျက်(၈) - နှစ်ဦးသဘောတူ စည်းတားခြင်း

 

                        နယ်ရုပ်တစ်ရုပ်ထိုးကျွေးမှ

                        နိုင်ရမယ့်ပွဲဆိုရင်

                        ငါ. . . ငြင်းမယ်။

 

အဖြစ်အပျက်(၀) - တိမ်တိုက်ထဲက နန်းတော်လေး ပြိုကျ

 

                         အစိမ်းရောင်လေးဘက်

                         ကီးချိန်းအပြတ်တစ်ခု   

                         လက်မှတ်နှစ်ခုသာကျန်ခဲ့သော အင်္ဂါနံ

                         အံလွဲနေသော ချောကလက်ဘူးခွံ

                         ဖြူဖျော့ဖျော့ စက္ကူစများ

                                 ထို့နောက်

                         . . . . ကျနော်. . . . .

                          

   

ဒီ နေ ရာ မှာ ငြိမ် နေ ရင် အ ငြိမ်း

 

အဲ့ဒီ့နေရာကို ရောက်ဖို့

သစ်ရွက်တွေရဲ့ အကူအညီယူထားရတာ …

" မ လှုပ် နဲ့ နော် "

(ဓားပြတိုက်နေတာတော့ မဟုတ်ဘူးပေါ့)

ဒီ နေ ရာ မှာ ငြိမ် နေ မှ ငြိမ်း မှာ

ငြိမ်နေတယ်ဆိုတာက အလေးအနက် ပေးပြုတာလဲ ဟုတ်တယ်

"စက်တင်ဘာလ တစ်လမှာ ခွေးကိုက်လို့ သေသွားတဲ့ သူငယ်ချင်းတစ်ယောက်အတွက် "

"အမေ့အတွက် ပြန်မလာနိုင်သေးတဲ့ သားတစ်ယောက်အတွက် "

ငြိမ်ပေးစမ်းပါ - (၂မိနစ်လောက်ဖြစ်ဖြစ်)

ဒီ နေ ရာ မှာ ငြိမ် နေ ရင် အ ငြိမ်း ပဲ

ကျုပ်စိတ်ကို ဖမ်းဖို့ ကြိုးစားရင်တော့ ခင်ဗျားမှားတာပေါ့

ကျုပ်က စိတ်တုံးလုံးကြီးနဲ့ ငြိမ့်ငြိမ့်လေးတွေးနေတာ

ဒီ နေ ရာ မှာ ငြိမ် နေ တာ နဲ့ ငြိမ်း တာ ကိုး

ငြိမ်ငြိမ်လေး ငြိမ်း(ငြိမ့်)နေစမ်းပါ

ဒေါသမီး ၊ မောဟမီး ၊ ရန်သူမျိုးငါးပါးထဲက မီး ၊ တဏှာမီး ၊

တို့မီး (အတို့အထောင်မီး) ၊ ရှို့မီး ၊ ပွဲပြီးတာတောင် မသေတဲ့ မီး ၊

အာမခံထားတဲ့ မီး ၊ မီးမီးချင်းလောင်တဲ့ မီး ၊

ငြိမ်းပစ်လိုက်ပါဗျာ

ဒီ နေ ရာ က ငြိမ် ရင် ငြိမ်း ပြီ

ကျုပ်တောင် ငြိမ်နေတာပဲဗျာ

ဓူဝံကြယ်ကြီး မကြွေသေးပေမယ့်

ကျုပ်လဲ မြောက်အရပ်ကို မြောက်အရပ်မှန်း သိပါတယ်ဗျာ

ဒီ နေ ရာ မှာ ငြိမ် ငြိမ် နေ လိုက် မှ ငြိမ်း နေ မှာ

စကားများတဲ့ ပုရွက်ဆိတ်တွေတော့ တွင်းရွှေ့သွားပြီ ဟုတ်လား?

ဘယ်သူက တွင်းတိမ်တိမ်လေးနဲ့ တင်းတိမ်နေမှာလဲ

အနံ့ရတာနဲ့ အနက်ကြီးတူးမယ့် အစားတွေချည်း

ဒီ နေ ရာ မှာ ငြိမ် နေ ရင် အ ငြိမ်း

" စား နေ တုန်း ပဲ လား ဗျာ "

ဒီ မှာ ခင် ဗျား ငြိမ် ပေး ရင် ကျုပ် အ ငြိမ်း ဗျာ

ခင်ဗျားလဲ ရောက်ပြီးပြီ မဟုတ်လား

ဖန်ထားတဲ့ အကွက်နဲ့ ဖန်ခွက်တွေဆီကိုလေ

ဒါပေမယ့် …. ခင်ဗျားက စကားများတယ်

သွေးက စကားပြောရမယ့် ကိစ္စမဟုတ်ဘူးဗျ

သွေးက အလုပ်လုပ်ရမယ့် ကိစ္စ

ဓားပြတိုက်နေတာတော့ မဟုတ်ဘူး .. ဒါပေမယ့်

" မ လှုပ် နဲ့ နော် "

အဲ့ဒီ့ နေရာကို ရောက်ဖို့

သစ်ရွက်တွေရဲ့ အကူအညီတွေ ယူထားရတာ

" "ဒီ နေ ရာ မှာ ငြိမ် နေ ရင် အ ငြိမ်း " " ၊၊            ၊၊

 

;;